मराठवाडा शिक्षक संघाने  आंदोलनाचा पवित्रा घेताच मराठवाडा शिक्षण प्रसारक मंडळात घेण्यात येणारी नियमबाह्य व बेकायदेशीर परीक्षा अखेर केली रद्द.

छत्रपती संभाजीनगर :-  मराठवाडा शिक्षण प्रसारक मंडळाने शिक्षकांच्या नियमबाह्य बेकायदेशीर परीक्षेचा घातलेला डाव मराठवाडा शिक्षक संघाने हानून पाडला.

मराठवाडा शिक्षण प्रसारक मंडळात दिनांक 12 मार्च 2025 रोजी संस्थेअंतर्गत अनेक वर्षांपासून कार्यरत असलेल्या अनुभवी शिक्षकांची 100 गुणांची परीक्षा आयोजित केलेली होती ही परीक्षा म्हणजेच शिक्षकांचा करण्यात येणारा अवमान असल्याने मराठवाडा शिक्षक संघाने दिनांक दहा मार्च 2025 रोजी संस्था कार्यालयासमोर आंदोलनाचा पवित्रा घेतल्याने ही परीक्षा अखेर मंडळाला रद्द करावी लागली ही परीक्षा म्हणजे शिक्षकांच्या व्यावसायिक प्रतिष्ठेच्या विरोधात आहे तसेच हा कायद्याचा आणि नियमाचा भंग आहे.  हा शिक्षक कर्मचाऱ्यांचा अपमान मराठवाडा शिक्षक संघ कदापिही सहन करणार नाही अशी भूमिका जिल्हा सचिव भाई चंद्रकांत चव्हाण यांनी घेतल्यामुळे अखेर मराठवाडा शिक्षण प्रसारक मंडळाला या परीक्षा रद्द कराव्या लागल्या. तरी या परीक्षा मंडळाने न घेता शिक्षकांच्या गुणवत्ता वाढीसाठी संस्था अंतर्गत  प्रशिक्षणाचे आयोजन करावे जेणेकरून शिक्षकांच्या गुणवत्तेमध्ये निश्चितच वाढ होईल असेही भाई चंद्रकांत चव्हाण यांनी संस्थेला सुचविलेले आहे.  कार्यालया समोर धरणे आंदोलन करण्यात येणार होते मात्र आंदोलन करण्याच्या अगोदरच संघटनेला संस्था प्रशासनाने परीक्षा रद्द करण्यात आलल्याचे लेखी पत्र दिले. या वेळी यावेळी संघटनेचे पदाधिकारी योगेश खोसरे, नवनाथ मंत्री, विनोद केणेकर, अशोक ढमढेरे, विलास चव्हाण, दिपक वाघ, बाळू पवार, संतोष सुरडकर, विलास चांदणे, डॉ. पद्माकर पगार, अजित जाधव, रावसाहेब बोरसे, शितल कडवे, अरुणा चौधरी, स्वाती बोंडे, मानसी भागवत, सोनाली गव्हाने, सविता हिंगे, रेखा साकळे उपस्थित होते.

आपली शाळा, महविद्यालय,संस्था व संघटना यांच्या बातम्या, फोटो 7588005002 या नंबर वर व्हॉट्स ॲप वर पाठवा....कथा,कविता,पुस्तक परीक्षण, वैचारिक लेखन देखील उपरोक्त नंबर पाठवावे